Elikagaietako plagiziden hondakinei buruzko 2024ko urteko txostena

Analisi horiek urte anitzeko kontrol-programa nazionalen ondoriozkoak dira, eta EBren Kontrol Koordinatuko Programaren datuak ere jasotzen dituzte.

EBren Kontrol Koordinatuko Programa

---

EBren Kontrol Koordinatuko Programan ohiko kontsumoko elikagaien 9.842 lagin aztertu ziren, hala nola alberjiniak, bananak, brokolia, meloiak, mahaiko mahatsak, oliba-olio birjina, garia eta arrautzak.

Laginen % 98,8k hondakinen gehieneko mugak (HGM) bete zituzten

% 43,1ean ez zen hondakin zenbakarririk detektatu, eta % 54,5ean aurkitutako hondakinak baimendutako lege-mailen barruan zeuden.

Urte anitzeko kontrol-programa nazionalak

---

Kontrol-programa nazionaletan 86.449 lagin aztertu ziren, eta adostasun-maila % 98,2koa izan zen.

Aldi berean, inportazioaren kontrol indartuetan 39.433 lagin aztertu ziren, eta ez-betetzeen ehuneko handiagoa hauteman zen horietan (% 3,6). Ondorioz, eraginpeko loteak geldiarazi egin ziren merkatu europarrean sartu aurretik.

Estatuko datuak

---

2024an, 2.235 lagin aztertu ziren plagiziden hondakinetan, elikagaietan plagizida-hondakinak zaindu eta kontrolatzeko programaren esparruan, eta 416.527 emaitza analitiko lortu ziren guztira.

Hona hemen emaitzarik aipagarrienak:

• Aztertutako laginen % 1,83k HGM-EBa baino altuagoak ziren plagiziden hondakin-mailak zituzten. Bereziki, 41 lagin ez-onargarri egon ziren, 46 emaitza ez-onargarriri zegozkionak (horrek esan nahi du plagizida bat baino gehiago zegoela HGMen gainetik lagineko). Piper gozoaren lagin batek positibo eman zuen hauetan: tiametoxama, klorfenapirra eta prozimidona.
• Haurtxoentzako elikagaien laginetako bakar bat ere ez zen izan ez-onargarria.
• “Frutak eta beste barazki batzuk” taldean izan ziren emaitza ez-onargarri gehienak, baina esan beharra dago, halaber, aztertutako lagin guztien % 80,45 talde horretakoak zirela. Gehien detektatutako plagizida klorpirifosa izan zen (bost emaitza positibo).