|
Iturria:
GUSTOS
|
Hemen aurkezten ditugu EAEko eta Kataluniako 19 eskola-jantokitan egindako elikagaien xahuketaren hasierako neurketaren emaitzak.
Neurketaren xedea ez zen izan soilik xahututako elikagaiak zenbatzea, baizik eta identifikatzea zerbitzuaren zein unetan sortzen zen xahuketa eta zein faktorek eragiten zuten xahuketa hori sortzea. Informazio hori funtsezkoa izan zen hezkuntzako esku-hartzeak eta esku-hartze gastronomikoak orientatzeko, horiek ere proiektuaren parte baitira.
Lehen neurketa horren emaitzek erakusten dute eskola-jantokia leku estrategikoa dela elikagaien xahuketari aurre egiteko. Egindako analisiaren arabera, hauek dira lehentasunezko lan-esparruak: kantitateak planifikatzea, menuak onartzea, bazkarietan dagoen giroa hobetzea eta elikadura-hezkuntza hobetzea.
Hori horrela, neurketa funtsezko tresna da diagnostikotik ekintzara igarotzeko. Infografiak laburtzen duen moduan, neurtzea lehen urratsa da elikagaien xahuketa murrizteko: neurtzen ez dena, ezin da hobetu.
Emaitza horiek oinarri hartuta, zenbait esku-hartze diseinatzen eta ezartzen jarraituko dugu, eskola-jantokietako elikagaien xahuketa murrizteko eta beste ikastetxe eta lurralde batzuetara zabal daitezkeen ikaskuntzak sortzeko.
Eguneraketa data: 2026/06/05