·
Iturria:
FAO
Txostenak, adierazle gakoen bidez, mundu-mailan elikagaien eta nutrizioaren inguruan dagoen nahikotasuna adierazten du, datu berrienen arabera.
Aurkikuntza nagusiak
Gosetearen eta elikagaien segurtasunik ezaren joerak
- Mundu-mailako goseteak behera egin du pixka pat: % 8,7tik 2022an % 8,2ra 2024an. Hala ere, 638 eta 720 milioi artean izan dira 2024an gosea pairatu duten pertsonak. Hala ere, 638 eta 720 milioi artean izan dira 2024an gosea pairatu duten pertsonak.
- Afrikak jarraitzen du erasan handiena duen eskualdea izaten (biztanleriaren % 20,2).
- Elikagaien segurtasunik eza ertain edo larriak mundu-mailako biztanleriaren % 28ari eragiten dio (2.300 milioi pertsona), eta prebalentzia handiagoa dago landa-eremuetan eta emakumeen artean.
Dieta osasungarriaren kostua eta eskuragarritasuna
- Dieta osasungarri baterako mundu-mailako batez besteko eguneko prezioa 4,43 USD EAPra igo zen (erosteko ahalmenaren parekotasuna) 2024an.
- Prezioak igo badira ere, dieta osasungarria ordaindu ezin duten pertsonen kopurua 2.760 milioi pertsonatik (2014) 2.600 pertsonara (2024) jaitsi zen.
- Hala ere, Afrikan zifra horrek gora egin zuen, 1.000 milioi pertsona gehiago egon baitziren egoera horretan.
Nutrizioaren egoera
- Aurrerapenak egin dira haurren hazkuntzaren atzerapenean egon den murrizketan (% 26,4 2012an eta % 23,2 2024an).
- Edoskitze esklusiboa handitu zen (2012an % 37 izatetik 2023an % 47,8 izatera arte).
- Helduen obesitatea ere handitu egin da (2012an % 12,1 izatetik 2022an % 15,8 izatera).
- Haurren heren bakar batek eta emakumeen bi herenek bakarrik lortzen dute gutxieneko elikadura-aniztasuna.
Elikagaien inflazioaren eragina
- 2020tik, elikagaien prezioen inflazioak inflazio orokorra gainditu du; 2023ko urtarrilean % 13,6ko gailurra egon zen.
- Diru-sarrera txikiko herrialdeak izan dira erasan handiena izan dutenak, % 30era arteko elikagaien inflazioa eduki baitute.
- Inflazioak erosteko ahalmena murriztu du, eta eragin negatiboa izan du elikagaien segurtasunaren eta nutrizioaren gainean, batez ere egiturazko desberdinkeria eta genero-desberdinkeria dagoen testuinguruetan.
Inflazio horri aurre egiteko proposatutako 5 jarduera
- Biztanle zaurgarriak babestea, ondo formulatutako erantzun fiskalekin.
- Politika fiskal eta monetarioak harmonizatzea, merkatuak egonkortze aldera.
- Egiturazko neurriei eta merkataritzarekin lotuta daudenei lehentasuna ematea, eragin iraunkorrak lortzeko.
- Datuen eta informazioaren zirkulazioa indartzea eta horretan inbertitzea.
- Nekazaritzako elikagaien sistema erresilienteetan inbertitzea.
Ondorioak
Mundu-mailan elikagai nahikoa ekoizten den arren, milioika pertsonak gosea jasaten jarraitzen dute, edo malnutrizio-egoeran daude, elikagaiak lortu ezin dituztelako edo garestiegiak direlako.
Figura. 2030erako Munduko Nutrizio Jomugak
Elikagaien inflazioa mehatxua da 2. GJH eta 2030 Agenda osoa betetzeko helbururako.
Eguneraketa data: 2025/12/04