|
Iturria:
ELIKA
|
2026ko urtarrilaren 12an, 2020/2184 (EB) Zuzentarauaren I. eranskinean uraren kalitatea ebaluatzeko ezarritako balio parametriko batzuk indarrean sartu ziren. Berrikuntza gisa, A bisfenola eta PFASak daude, besteak beste.
2020/2184 (EB) Zuzentarauak Europako araudi berri bat ezarri zuen giza kontsumorako uren kalitateari buruz. Berritasun nagusi gisa, uraren segurtasunerako arrisku-faktoreetan oinarritutako metodo berri bat ezarri zuen. Hala, uraren hornidura-kateko puntu bakoitzean arriskuaren ebaluazioa eta kudeaketa ezarri zen, inplementazio-kronograma honen baitan:
| Katearen puntua | Azken eguna | Gehieneko aldizkakotasuna |
|---|---|---|
| Erauzketa-puntuak biltzeko gunea | 2027ko uztailak 12 | 6 urte |
| Hornidura-sistema | 2029ko urtarrilak 12 | 6 urte |
| Etxez-etxeko hornidura | 2029ko urtarrilak 12 | 6 urte |
Giza kontsumorako ura ukitzen duten materialen zehaztapenen betearazpen-egintzen kronogroma bat ezarri zen, 11. artikuluan.
Uraren kontrolari dagokionez, estatu kideek beharrezko neurriak aplikatu behar dituzte uraren kalitatea aldizka kontrolatuz, A eta B zatietan II. eranskinean ezarritakoaren arabera.
Uraren kalitatea zehazteko kontrolatu beharreko parametroen gutxieneko baldintzen artean, I. eranskinean, berrikuntza gisa, B zatian (Parametro kimikoak), honako hauek daude:
| Parametroa | Balorea |
|---|---|
| A Bisfenola | 0,25 μg/l |
| Klorato | 0,25 mg/l |
| Klorito | 0,25 mg/l |
| Azido haloazetikoak (AHA) | 60 μg/l |
| Mikrozistina-LR | 1,0 μg/l |
| PFAS guztiak | 0,5 μg/l |
| PFAS batuketa | 0,10 μg/l |
| Uranioa | 30 μg/l |
Zuzentarauaren 25. artikuluan, 2026ko urtarrilaren 12ra arteko aldi iragankorra ezarri zen parametro berri horiek kontrolatzeko; beraz, gaur egun, kontrolatu beharreko parametroak dira.
Eguneraketa data: 2026/04/29