Erregelamendua Europar Batasunaren Aldizkari Ofizialean argitaratu eta hogei egunera sartuko da indarrean.
Joan den abuztuaren 20an argitaratu zen 2021eko apirilaren 12ko Batzordearen 2021/1374 (EB) Erregelamendu Eskuordetua Europako Parlamentuaren eta Kontseiluaren 853/2004 (EE) Erregelamenduaren III. eranskina aldatzen duena, animalia-jatorriko elikagaien higiene-baldintza espezifikoei buruzkoa.
Hauek dira, besteak beste, 853/2004 Erregelamenduaren aldaketaren berritasun nagusietako batzuk:
Etxeko ungulatuen haragia:
- Animalien ongizatea dela eta, jatorrizko ustiategian animalia-kopuru txiki bat hiltzeko irizpideak aldatzen dira.
- “Albaitari baimendua” terminoaren ordez “albaitari ofiziala” jarri da.
- Gatzagia eta hesteak, buruak eta hankak lortzeko baldintzak adierazten dira.
Haragia txikizkako merkataritzatik ematea:
-
Txikizkako salmenta-jarduera egiten duten elikagai-enpresetako operadoreek haragia izoztu ahal izateko baldintzak ezartzen dira, elikagaiak dohaintzan emateko berriro banatzeari begira, eta, horrela, elikagaiak alferrik galtzea saihesten da.
Hazitako animalia ehizatuen eta basatien haragia:
- Hazitako animalia ehizatuen haragiaren kasuan kamelidoak bezalako espezieak sartzeko baldintzak eguneratu dira.
- Bilketa-zentroetarako arau espezifikoak eta animalia basati ehizatua garraiatzeko baldintzak ezarri dira.
Molusku bibalbio bizidunak:
- Bitarteko operadorearen figura definitzen da.
- Molusku bibalbio bizien sorta baten lekualdaketarekin batera erregistro-dokumentu bat aurkeztu beharko da, eta jaso behar duen gutxieneko informazioa zehazten da.
Arrantzako produktuak:
- Arraina biltegiratzean kutsadurarik ez sortzeko irizpideak ezartzen dira.
- “Izozte azkarraren” definizioa aldatu da iruzurrezko jarduerak saihesteko.
- Fusioko ura hustu egin behar dela zehazten da.
Igel-hankak eta barraskiloak:
-
Igel- eta barraskilo-espezie berriak sartzen dira.
Eguneraketa data: 2025/07/18