Osasunaren Mundu Erakundeak (OME) azukrerik gabeko edulkoratzaile sendoak erabiltzeari buruzko gidalerroa argitaratu berri du. Bertan, horiek ez erabiltzea gomendatu dute pisua kontrolatzeko edo gaixotasun ez transmitigarriak izateko arriskua mugatzeko.
Gomendioa iaz egin zen azterlan sistematiko eta metaanalisi baten emaitzak ditu oinarri, eta azterlan horretan iradokitzen da edulkoratzaileak erabiltzea ez dakarrela epe luzeko onurarik heldu edo haurrengan gorputzeko gantza murrizteko. Halaber, azterlanaren ondorioetatik ondoriozta daiteke epe luzez erabili ondoren nahi ez diren efektuak eragin ditzaketela, hala nola II motako diabetesa, gaixotasun kardiobaskularrak eta helduen hilkortasuna izateko arriskua.
Azukre aske asko kontsumitzea gehiegizko pisuarekin eta obesitatearekin lotzeaz gain (munduko biztanleriaren ia % 40ri eragiten dio), dietarekin lotutako gaixotasun ez transmitigarrien gorakadarekin lotu izan da; eta gaixotasun horiek dira mundu mailan heriotza-kausa nagusiak.
OMEk azukre askeen ahorakinari buruzko gomendioa egin du: “azukre askeak jatekotan, guztizko behar energetikoen % 10 lortu behar dugu, gutxienez; halaber, osasunak hobera egingo du % 5etik beherakoak badira”
Edulkoratzaileak azukre askeak ez hartzeko beste aukera bat dira, eta kaloria gutxi dituzte. Edulkoratzaile horiek pisua galtzeko edo pisu osasungarria mantentzeko laguntza gisa merkaturatu ohi dira, eta askotan diabetesa duten pertsonek odolean duten glukosa kontrolatzeko bitarteko gisa gomendatu izan dira.
Hala ere, egungo ebidentzia zientifikoak eta gidalerro berriak aztertu ondoren, “azukre askeak edulkoratzaileekin ordezteak ez du pisua mantentzen lagunduko epe luzean. Herritarrek azukre askeen kontsumoa murrizteko beste modu bat aurkitu behar dute, hala nola azukre naturalak dituzten elikagaiak kontsumitzea (frutak, azukrerik gabeko elikagaiak eta edariak)”.
Gidalerro hauek OMEk azukre askeen ahorakina murrizteko eta dieta osasuntsuak sustatzeko egin dituen gainerako argibideekin batera kontuan hartu behar da.
Eguneraketa data: 2025/08/25