Europako Batzordeak (EB) Horizon 2020 programaren 2018-2020ko azken epeari aurre egiteko programazio estrategikoa argitaratu berri du.
Joan den urtetik, EBren Programa Batzordeak lanean ari dira 2018-2020rako lan-programak (WP) definitzeko. Programa horiek ikertu beharreko arloak biltzen dituzte hainbat gairi buruzko deialdien bitartez, eta gizarteko erronkak ere bai. Behin betiko lan-programak datorren urrian argitaratzea espero da.
Arlo bakoitzeko alderdi interesdunei kontsultak egin eta kide diren estatuekin jorratu beharreko lehentasunak eztabaidatu ondoren, irismen-dokumentuak (“scoping papers”) egin dira. Dokumentu estrategiko horietan bildu dira 17 gaiei dagozkien hurrengo WPetako ikerketaren eta berrikuntzaren arloko lehentasunen ildo nagusiak. Horrez gain, dokumentu orokor bat ere osatu da.
Zehazki, Elikagaien segurtasuna, nekazaritza eta basogintza iraunkorra, itsas ikerketa eta barneko uren ikerketa, eta bioekonomia izeneko 2. Gizarte Erronkari dagokion irismen-dokumentuan, datozen 3 urteetan (2018-2020) jorratu beharreko ikerketaren eta berrikuntzaren arloko 5 lehentasun estrategiko hauek ezarri dira:
- Klima-aldaketari aurre egitea lurrean eta itsasoan.
- Murriztean, berrerabiltzean eta birziklatzean oinarrituriko ekonomia zirkularrera igarotzea.
- Ekosistema funtzionalak, elikadura-sistema iraunkorrak eta bizimodu osasungarriak.
- Lurreko eta itsasoko berrikuntza handiak sustatzea: merkatu, balio-kate eta produktu berriak.
- Lurralde adimendun eta konektatuak garatzea, eta balio-kateak ezartzea landa-eremuetan eta kostaldean.
Scoping paper 17 thematic areas (deskargatu 09-SC2-Elikagaien Segurtasuna)
2. Gizarte Erronkaren (Elikadura Segurtasuna) WPa gauzatzeko prozesua
Scoping paper Estrategia Orokorra
Eguneraketa data: 2025/05/06