Basque Culinary Center-ek (BCC) ikerketa bat egin du, jatetxeetako menuak irakurtzen dituzten kontsumitzaileen eskuen eta jatetxe horietan kontsumitzen diren elikagaien artean gerta daitekeen bakterio bidezko kutsadura gurutzatua ikertzeko.
Emaitzak ikusita, jatetxeetako menuak elikagaien bidez transmititzen diren zenbait gaixotasunen bektore izan daitezke, baldin eta ez badira erregulartasunez garbitzen eta desinfektatzen.
Emaitzen arabera, ez dago patogenorik BCCn artxibatutako menuetan, denbora luzez kontserbatu direlako, baina bai jatetxeetako menuetan.E. coli bakterioak 12 ordu iraun dezake bizirik, eta S. aureus bakterioak, 24 ordu.Hori dela eta, mikroorganismoa hauek 24 orduan kartetatik hatz-mamietara igaro daitezke.
Zerbitzarien eta manipulatzaileen zein bezeroen higiene faltak eragiten du nagusiki gainazalen, menuen, eskuen eta elikagaien arteko kutsadura gurutzatua.
Ikerketan ondorioztatu da arazo hau saihesteko ezinbestekoa dela eskuak garbitzea, baita elikagaiekin harremanetan dauden gainazalak eta kartak desinfektatzea eta garbitzea ere.
Adituek diote menuak aurkezteko higienikoagoa dela papera erabiltzea plastikoa erabili beharrean, kutsadura handiagoa baita plastikoan, ura bertan gelditzen delako eta horrek bakterioak haztea eragiten duelako.Gainera, paperean tinta egoteak murriztu egiten du bakterioak bertara atxikitzea.Horrez gain, paperezko kartak maizago aldatzen dira, zikinkeria hobeto ikusten delako plastikozkoetan baino.
Eguneraketa data: 2025/07/18