One Health txostena: Zoonosiak Europan 2019an

Txosten honek elkartu egiten ditu EFSAri nahitaez jakinarazi beharreko zoonosiari buruzko datuak, bai eta hain ohikoak ez diren baina jarraipena egiten zaien beste gaixotasun batzuei buruzkoak ere (adib.: Niloko mendebaldeko birusa).

2019an, elikadura-jatorriko 5.175 agerraldi jakinarazi ziren, 2018an baino % 12,3 gutxiago.

Bestalde, badirudi Campylobacterrarekin eta Salmonellarekin lotutako giza kasuen kopurua egonkor mantendu dela azken bost urteetan (2015-2019) Europa osoan.

2019an, campylobakteriosi gaixotasun gastrointestinalak eragin zituen EBn jakinarazpen gehien 2015az geroztik; izan ere, 220.000 pertsonari baino gehiagori eragin zien.

100.000 biztanleko 59,7ko prebalentzia izan zuen, 2018ko tasa baino % 6,9 txikiagoa.

Salmonelosia izan zen EBn intzidentzia handiena izan zuen bigarren gaixotasun zoonotikoa, eta 88.000 pertsonari eragin zien (20 kasu 100.000 biztanleko).

Salmonella da oraindik ere gehien detektatzen den patogenoa, nahiz eta S. enteritidisaren ondoriozko agerraldiak murriztu egin diren.
Txostenak estatu kideetan kortako hegaztietan salmonella kontrolatzeko programen emaitzak aipatzen ditu. Estatu kideen 18k bete dituzte murrizketa-helburuak, eta 8k ez zuten bete helburu horietako bat ere.

Escherichia coli infekzioa, Shiga toxinak (STEC) eragiten duena, gizakietan gehien jakinarazi den hirugarren zoonosia izan zen 2019an (2,2 kasu 100.000 biztanleko). Joera horrek gora egin du 2015etik 2019ra bitartean.

Prebalentzia txikia duen arren (0,46 kasu 100.000 biztanleko), zoonosi larrienetako bat da; izan ere, ospitaleratze-tasa 92,1ekoa da eta heriotza-tasa % 17,6koa.

Listeriak eragindako infekzioak maizago jakinarazi ziren 64 urtetik gorako adin-taldean, eta, bereziki, 84 urtetik gorakoetan.

1. Salmonella spp. + Arrautzak eta arrautza-produktuak[spacer height=”20px”]
2. Salmonella spp. + hainbat elikagai[spacer height=”20px”]
3. Listeria monocytogenes + haragia eta haragi-produktuak[spacer height=”20px”]
4. Salmonella spp. + haragia eta haragi-produktuak[spacer height=”20px”]
5. Salmonella spp. + okindegiko produktuak[spacer height=”20px”]
6. Salmonella spp.+ buffet-janaria[spacer height=”20px”]
7. S. aureus + hainbat elikagai[spacer height=”20px”]
8. Salmonella spp. + beste elikagai batzuk[spacer height=”20px”]
9. Norobirusa eta beste kalizibirus batzuk+ ura[spacer height=”20px”]
10. A hepatitisa  + okindegiko produktuak[spacer height=”20px”]

Iturria: Top-10 pathogen/food vehicle pairs causing the highest number of hospitalisations, in reporting EU MS, 2019. EFSA ECDC txostena 2019