Horizon Europe Sustapen Plana
Espainiak hurrengo Europako Ikerketa Esparru Programan (Horizon Europe) parte hartzeko Sustapen Plana” izenekoa aurkeztu du Zientzia eta berrikuntza Ministerioak (MICINN). Plan horren helburua da, 2021etik 2027ra bitartean balio erantsi handiko Europako I+G+b jarduerak finantzatzea, I+G+b programetan Espainiaren parte-hartzea eta lidergoa sustatzeko.
Xedea
Zientzia eta Berrikuntza Ministerioaren finantzaketa-agentziek (Estatuko Ikerketa Agentzia, Garapen Teknologiko Industrialerako Zentroa, Carlos III.a Osasun Institutua, eta Zientzia eta Teknologiarako Espainiako Fundazioaren Europako Bulegoa) kudeatuko dituzten neurri nagusiak biltzen ditu dokumentu horrek. Neurri horiek zientzia- eta berrikuntza-sistema nazionalak Horizon Europe programan duen parte-hartzea hobetzea eta erraztea dute helburu.
Testuinguru horretan, honako hauek sustatuko dira: batetik, estatuko eta eskualdeko laguntzak eta haien sinergia Europako funtsekin lerrokatzea; eta, bestetik, Espainiak I+G+b arloko egitura komunitarioko erabaki-esparruetan duen lidergoa eta presentzia.
Adierazleak
Sustapen Planaren arrakasta neurtzeko, honako adierazle hauek hautatu dira:
- Horizon Europe programako lehiakortasun-deialdietan finantzatutako proiektu guztien % 17tan, gutxienez, lidergoa izatea.
- Horizon Europe programako, gutxienez, 2800 proiektu eta ekintza Espainiako erakundeek koordinatu ditzatela lortzea.
- Parte-hartzea areagotzea: Horizon 2020 programan % 10eko itzulera izatetik Horizon Europe programa osoan % 11ko itzulera izatera iristea.
- Onartutako eta finantzatutako proposamenen arrakasta-tasa EB28ko herrialdeek lortutako batez bestekoa izatea, gutxienez.
Horizon Europe programa aurkezteko jardunaldia
CDTIk eta MICINNek, FECYTrekin eta Europako Batzordearekin lankidetzan, Horizon Europe programa aurkezteko jardunaldia antolatu zuten. Jardunaldia abenduaren 2an eta 3an egin zen, streaming bidez.
Xedea
Jardunaldiaren helburua izan zen EBren 2021-2027 aldirako I+b Esparru Programaren helburuak, egitura eta lehentasunak ezagutaraztea espainiar erakundeei.
Bi goizetan zehar, Horizon Europe programaren hasierako gakoak eman ziren: programaren berrikuntzak nabarmendu ziren eta Horizon 2020 programatik Horizon Europe programarako trantsizio tematikorako gida bat eman zen.
Eguneraketa data: 2025/05/06