Eusko Jaurlaritzaren Osasun Sailak, elikadura osasungarrirako ekimenen esparruan, zenbait fitxa didaktiko argitaratu ditu, oso txikitatik elikadura osasungarria sustatzeko.
Elikatzeko modua faktore erabakigarria da osasunerako. Haurtzarotik eta nerabezarotik finkatzen dira elikadura-ohiturak; horregatik, interesgarria da etapa horietan ezagutza sortzen hastea, etorkizunean aukera osasungarriak lehenesteko.
Fitxa didaktikoak hezkuntza-ingurunean (irakasleak, begiraleak, guraso-elkarteak) edo etxean modu erraz eta gidatuan erabiltzeko prestatu dira.
Jarduera-fitxa bakoitzak honako hauek deskribatzen ditu:
- zein adin, maila eta ikasgaitan erabil daitekeen egokien,
- fitxa garatzeko moduaren deskripzioa,
- behar den denbora edo erabilera-maiztasuna,
- non aplikatzea espero den (ikasgela, jangela, etxea…),
- behar diren giza baliabideak eta baliabide materialak,
- fitxaren eraginkortasuna baloratzeko adierazleak,
- fitxaren erabilera errazteko informazio gehigarria
Eguneraketa data: 2025/08/25