AESANek duela gutxi argitaratu du interpretazio‑ohar bat, “eztia abaraskan” eta “abaraska‑zatiak dituen eztia” ekoizteari dagokionez. Horiek eztiaren gaineko kalitate‑araua onartzen duen abuztuaren 1eko 1049/2003 Errege Dekretuan jasotzen dira.
Ohar horretan agentziak adierazitakoaren arabera, eztiaren ekoizpen‑mota horretan aintzat hartu behar da abaraskak egiteko argizariaren jatorria.
Erlezaintzan oso ohikoa da abaraskek osatzen dituzten argizari‑orriak erabiltzea, eta horietan erleek euren gelaxkak egiten dituzte. Denboraldi bakoitzean, abaraskaren zati bat urtu egiten da orri berriak egiteko. Hori erlezainak berak egin dezake edo establezimendu batera igorri, han egin dezaten. Kalkulatzen da erlezainak berak egiten duen urteko berritze hori (% 20 inguru) zati zaharrenari dagokiola, hau da, pestiziden hondakin eta albaitaritzako sendagai gehien pilatzen dituen zatiari.
Hori dela eta, eztiarekin batera kontsumitzen diren abaraska‑zati horiei (elikagaitzat hartzen direnak) ere aplikatu behar zaizkie giza kontsumorako ezti eta erlezaintza‑produktuei ezartzen zaizkien plagiziden eta albaitaritzako sendagaien hondakinen gehieneko mugak.
OOndorioz, AESANek gomendatzen du erleen argizari birjina erabiltzea; izan ere, murriztu egiten du abarasketan substantzia aktiboak egoteko arriskua, urtu eta berriz erabilitako argizaria erabiltzeak ez bezala.
Halaber, beharrezkoa da aipatzea arauak ez duela baimentzen giza kontsumorako ez diren animalia‑azpiproduktuen (SANDACH) instalazio teknikoetako argizari‑orriak erabiltzea giza kontsumorako den eztia ekoizten duten erleen abarasketan.
Eguneraketa data: 2025/08/18