Estatu kideekin zientzia-lankidetzan aritzeko hurrengo deialdiak – EFSA 2016

178/2002 Araudiak 36. artikuluan xedatutakoarekin bat etorriz, EFSAk laguntza zientifikoa eta teknikoa eskainiko dioten erakunde eskudunen zerrenda bat egin du. Erakunde horiek, batik bat, zientzia-iritziak emateko datuak bildu eta aurreko lanak egiten dituzte.

Hiru euskal erakunde daude zerrenda horretan: ELIKA, NEIKER eta UPV/EHU.

EFSAk hemendik urte amaierara aurreikusitako lau deialdiak argitaratu ditu. Horietako bi 36. artikuluko zerrendako kideentzat dira eta beste biak irekiak. Jarraian zehazten dira lau deialdiok:

36. artikuluko erakundeentzako deialdi itxiak:

  1. Europako Beka Programa, Elikagai Arriskuen Ebaluazioan prestakuntza emateko (EUFORIA). Honako hauek dira helburuak:
    • Zientzialari gazteak erakartzea arrisku-ebaluatzaile izan daitezen.
    • Elikagaien Segurtasunaren arloko erakundeen eta EFSAren arteko trukea eta lankidetza indartzea.
    • Europa osoan Arriskuen Ebaluazioaren arloko praktikak bateratzen laguntzea
    • Europan Arriskuen Ebaluaziorako metodologiak sakonago garatzea.

    EFSAk 550.000 € bideratuko ditu prestakuntza-programa hori gauzatzeko, eta urrian argitaratuko dira eskaerak egiteko baldintzak: http://www.efsa.europa.eu/en/calls/art36grants

  2. Elikagaien deskripziorako eta sailkapenerako FoodEx2 sistemarekin bateragarriak diren prozesatze-tekniken eta -faktoreen datu-baseak. EFSAk 215.000 euro emango ditu proiektua gauzatzeko.Informazio gehiago nahi izanez gero: http://www.efsa.europa.eu/en/art36grants/article36/gpefsapras201601

Deialdi irekiak, kontratu moduan

  1. EFSAren Datu Unitateari laguntzea datuen kalitatea eta estatu kideen prestakuntza hobetzen. EFSAk 1.200.000 € finantzatuko ditu esparru-kontratu baten bidez.Aurki argitaratuko dira eskaera egiteko baldintzak: http://www.efsa.europa.eu/en/procurement/tenders.

  2. "Siliko" lanabesen aplikagarritasuna, produktu fitosanitarioen xurgatze dermikoa aurreikusteko. EFSAk 250.000 € emango ditu proiektu honetarako. Informazio gehiago nahi izanez gero: http://www.efsa.europa.eu/en/tenders/tender/ocefsapras201602

EFSAren deialdiak, 2016ko azken hiruhilekoa

36. artikuluko erakundeen zerrenda 16/09/05ean eguneratua

EFSAren Lan Programa 2016 Zientzia Lankidetzarako

Eguneraketa data: 2025/05/06

Azken albisteak

Elikagai-soberakinak Euskadiko eskola-jantokietan nola kudeatu

| Iturria: ELIKA | 2018. urteaz geroztik, Eusko Jaurlaritzako Elikadura, Landa Garapen, Nekazaritza eta Arrantza Sailak, ELIKA Fundazioaren bitartez, euskal elikadura-katearen maila desberdinetan elikagaien xahuketa prebenitzeko eta murrizteko ekintzak abiarazi ditu. Gainera, Estatuko 1/2025 Legea…

Europan txerri-izurri afrikarrari buruzko txosten zientifiko berria

Elikagaien Segurtasuneko Europako Agintaritzak (EFSA) txerri-izurri afrikarrari (TIA) buruzko urteko txosten epidemiologikoa argitaratu du, zeinaren bidez gaixotasunak 2025. urtean Europar Batasunean (EB) eta alboko herrialdeetan izan duen egoera aztertzen duen….

Bektoreek transmititutako gaixotasunen arriskuen ebaluazioa EBn

Elikagaien Segurtasuneko Europako Agintaritzak (EFSA) Europar Batasunean 5 bektore talde handik transmititutako gaixotasunak sartu eta hedatzeko arriskuari buruzko ebaluazio zientifikoa eguneratu du, Abereen osasunerako eta “ONE-Health” osasun publikorako interesekoak diren…

AESANek fruktosarekiko bi intolerantzia mota ebaluatu ditu

AESANen Batzorde Zientifikoak zientzia-irizpen bat argitaratu du, eta horretan deskribatu ditu elikagaietan presente dagoen fruktosa ingeritzeari lotutako bi patologiak: fruktosarekiko intolerantzia hereditarioa (FIH) eta fruktosarekiko hesteetako intolerantzia. Elikagaiak egoki etiketatzea,…

Albiste guztiak ikusi