AESANek infografia berri bat argitaratu du, zeinak beruna jateko arriskuaren inguruko informazioa ematen duen, berunezko munizioarekin hildako ehiza-haragi basatia kontsumitzen denean.
Pertsona kalteberentzat (7 urte arteko haurrak eta haurdun dauden emakumeak, haurdun gelditzen ahalegintzen ari direnak edo edoskitzaroan daudenak), AESANek gomendatzen du ehiza-haragi basatiaren kontsumoa ekiditeko edo berunezko munizioarekin hil ez diren piezetara mugatzeko.
Gainerako pertsonentzat, hau gomendatzen du:
Pieza osoetan:
- Inpaktuaren gunea kentzea, kolorerik gabeko haragia, lur-hondarrekin, belarrarekin, hezurrekin edo berun-zatiekin.
- Piezak ez garbitzea kaltetutako zatiak kendu baino lehen, kutsadura piezaren gainerako zatietara hedatu daiteke eta.
Haragi txikituan:
- Pieza bat txikitu eta hurrengoarekin hasi baino lehen txikitzailea garbitzea, munizioaren metalak bigunak direlako eta makinan trabatuta gelditu daitezkeelako (horrek haragia kutsatuko luke).
- Ingurune azidoan (eskabetxea) ez prestatzea, ozpinaren eraginez berunaren transferentzia murrizteko.
Zergatik da arriskutsua mota horretako elikagaiak kontsumitzea?
Berunezko munizioarekin hildako ehiza-haragian, munizioa hainbat zatitan txikitu daiteke eta, ondorioz, baliteke inpaktuaren gunean eta beste gertuko zatietan metal horren hondarrak gelditzea. Gainera, animaliek batzuetan perdigoiak jaten dituzte konturatu gabe, eta horrek eragin dezake euren erraietan beruna egotea.
Beste gomendio batzuk
Azkenik, elikadura-segurtasuna hobetzeko xedearekin, AESANek jarduera hori egiten duten pertsonei gomendatzen die munizio alternatiboa erabiltzeko pixkanaka, berunaren erabilera ekiditeko edo ahalik eta gehien murrizteko.
Eguneraketa data: 2025/07/18