ERA-NET SusAn erakundeak, Nekazaritzaren, Elikagaien Segurtasunaren eta Klima-aldaketaren inguruko Partekatutako Programazio Ekimenarekin batera (FACCE-JPI), “Klima-aldaketara egokitzeko eta hura arintzeko hobekuntza-teknika berriak abeltzaintzaren sektorean” esplorazio-tailerra antolatu zuen 2019ko azaroan, Bruselan.
Helburua
Tailer horretan, Europako 10 herrialdetako 40 aditu baino gehiago elkartu ziren. Hain zuzen, ikerketaren arloko ordezkariek, arduradun politikoek eta alde interesdunek hartu zuten parte, Europan gai horrekin lotuta dauden ikerketa-hutsuneak aztertzeko asmoz.
Ondorioak
Honako hauek dira tailerreko ondorio nagusietako batzuk:
- Ikerketa-erronka nagusia fenotipatzea da, eta hainbat arrakala itxi behar dira arlo horretan.
- Fenotipo berriak zehaztu behar dira klima-aldaketaren egoera desberdinetarako.
- Espeziearen beste ezaugarri espezifiko batzuk identifikatu behar dira, berotegi-efektuko gasak arindu eta klima-aldaketara egokitu ahal izateko.
- Diziplina anitzeko ikuspegiak, ekipoak eta diziplina arteko sareak behar dira ezaugarri berrietarako neurketak identifikatzeko.
- Politika publikoen koherentzia eta merkatuaren premiak berraztertu behar dira, arrazoitutako oinarri zientifiko baten gainean, garapen aitzindariekin erritmoari eusteko.
- Baliabide zoogenetikoak (tokiko arrazak/arraza arraroak) ezaugarri garrantzitsuen eta gene elkartuen multzo garrantzitsua izan daitezke etorkizunean beste arraza batzuetan erabiltzeko.
- Kontsumitzaileek onartzeari begira, hobetzeko teknologia berrien kontzeptua erraz egiaztatu eta jakinarazi behar da.
- Komunikazio- eta hedapen-estrategia espezifikoak garatu behar dira, herritarrei ezagutza eskualdatzeko eta informatzeko.
ERA-NET SusAn erakundeak kontuan izango ditu tailerrean azaleratutako etorkizunerako ikergaiei buruzko ondorioak eta gomendioak, “Ikerketa eta Berrikuntza Agenda Estrategiko Komuna” garatzeko.
Eguneraketa data: 2025/05/06