“Adierazpen” gisa ulertuko dugu legeriaren arabera derrigorrezkoa ez den edozein mezu, elikagai batek ezaugarri espezifikoak dituela baieztatu, iradoki edo adierazten duena, eta ezaugarri horiek honen bidez araututa baldin badaude: 1924/2006 Erregelamendua (EE), elikagaien adierazpen nutrizionalei eta propietate osasungarriei buruzkoa.
Adierazpen nutrizionalak dira elikagai batek propietate nutrizional onuragarri espezifikoak dituela baieztatu, iradoki edo adierazten duten horiek, haren ekarpen energetikoagatik edo dauzkan nutriente edo bestelako substantziengatik. Baimendutakoen zerrenda Erregelamendu horren eranskinean dago jasota.
Elikagaien enpresetako zenbait eragileren artean, zalantzak sortu dira adierazpen batzuen erabilerari buruz. Hori dela eta, AESANek bi interpretazio argitaratu ditu zalantzak argitzeko xedearekin:
Merkatuan, hainbat produktuk erabiltzen dute beren etiketetan “azukrerik gabe” adierazpena “inolako azukrerik gabe”-ren adierazpen egokitu gisa. Horregatik zen beharrezkoa, hain zuzen ere, irizpidea bateratzea.
Araudiarekin bat, “azukre” terminoak (“azukrerik gabe” adierazpenean duen adierarekin) sakarosari egiten dio erreferentzia, eta “azukreak” terminoa (“inolako azukrerik gabe” adierazpenean duen adierarekin), berriz, zabalagoa da, eta edozein monosakarido edo disakarido esan nahi dezake.
Lege-oinarri osoa aintzat hartuta, eta etiketen helburu nagusietako bat kontsumitzaileari argibideak ematea dela, “azukrerik gabe” adierazpen egokituak “inolako azukrerik gabe” adierazpenaren esanahi bera izango luke kontsumitzailearentzat, eta ez lioke nahasmendurik eragingo.
2. Adierazpen nutrizionalen erabilera-baldintzak kremetan
Ez zegoen oso argi kremak (barazki-kremak, txanpiñoi-kremak, etab.) elikagai solido edo likidotzat hartu behar ziren, eta, ondorioz, zein erabilera-baldintza aplikatzen zaizkion produktu horietan egin ohi den “gantz-eduki txikia” edo “gantz gutxi” adierazpen nutrizionalari. Izan ere, adierazpen hori erabil daiteke produktuak 100 g bakoitzeko 3 g gantzetik behera badu, solidoen kasuan; baina 100 ml bakoitzeko 1,5 g gantz badu, likidoen kasuan.
Salda, kontsome, zopa eta kremak prestatu, banatu eta merkaturatzeko Erregelamendu tekniko-sanitarioan, honela definitzen dira kremak: “Testura fin eta likatsuko produktuak, salda, kontsome eta zopen osagai berberekin eta modu berean eginikoak”.
Halaber, honako hau jasotzen du aurkezpen-moduei buruz:
-
- Kontsumitzeko prest dauden saldak, kontsomeak, zopak eta kremak: aurkezten diren moduan kontsumitzeko prestatutako produktuak, aldez aurretik berotuta edo berotu gabe.
- Salda, kontsome, zopa eta krema kondentsatu eta kontzentratuak: produktu likido, erdi-likido edo oretsuak dira, prestatu ondoren, erabilera-jarraibideen arabera, janari-prestakin bihurtzen direnak.
Hortaz, ondoriozta liteke kontsumitzeko prest dauden kremek aurkezpen berbera izango luketela.
Hori dela eta, produktuak ezin du 100 ml bakoitzeko 1,5 g baino gehiago izan.
Eguneraketa data: 2025/08/25