“Baserritik Mahaira” estrategiaren barruan, Europako Batzordeak osasun publikorako garrantzitsuak diren nutrienteei buruzko zientzia-aholkularitza eskatu zion EFSAri, baita nutrizio‑profilak egiteko zientzia-irizpideak ere. Batzordeak legedia bat proposatu nahi du 2022. urtearen amaierarako, ontzien aurrealdeari buruz.
Aholkularitza-lan horretan EFSAri laguntzeko, kontsulta publiko bat abiarazi berri da, nutrizionistek eta beste aditu zientifiko batzuek datuak eta euren iritzia eman ditzaten egiten ari diren zientzia-iritziaren zirriborroari buruz.
Iritziaren zirriborro horretan, besteak beste, ondorioztatzen da nutrizio-profilak egiteko honako hauek har litezkeela aintzat:
- Aintzat hartuta Europan gehiegizko pisuak eta obesitateak prebalentzia handia dutela, oso garrantzitsua da osasun publikorako Europako biztanleen artean energia-ingestioa murriztea.
- Gantz aseen, sodioaren eta azukre erantsien/askeen ingestioak gainditu egiten ditu dietetika-gomendioak Europako herrialde gehienetan, eta gehiegizko ingestioa lotuta dago osasunerako ondorio kaltegarriekin.
- Zuntz dietetikoaren eta potasioaren ingestioa ez da egokia Europako biztanle heldu gehienen artean, eta ingestio ez egokia lotuta dago osasunerako ondorio kaltegarriekin.
Zirriborroak, halaber, adierazten du burdinaren, kaltzioaren, D bitaminaren, azido folikoaren eta iodoaren ingestioa ez dela egokia azpibiztanleria espezifikoetan, eta, oro har, politika nazionalen eta banakako aholkularitzaren bidez heldu behar zaio arazo horri.
Gainera, zientzia-iritziak hainbat hausnarketa biltzen ditu Europako dietetan rol garrantzitsua duten elikagaiei buruz, besteak beste: almidoia (batik bat zerealak eta tuberkuluak), frutak eta barazkiak, lekaleak, esnea eta esnekiak, haragia, arraina eta itsaskiak, intxaurrak eta haziak…
Eguneraketa data: 2025/08/25