Animalien osasunean agentek agente antimikrobianoak erabiltzeari buruz OIEk eginiko urteroko laugarren txosten honek bi alderdiren inguruko informazioa eskaintzen du: 1) 2016rako agente antimikrobianoen erabileraren bolumen osoa animalien biomasako, eta 2) OIEk orain arte eginiko lau txostenen emaitzak interpretatzea: azterketa globala eta eskualdeen araberako azterketa egitea.

Nazioarteko 152 herrialdek eman dute informazioa txosten hau egiteko. Hona hemen aurkeztutako datu esanguratsuenetako batzuk:

1. Antimikrobianoak erabiltzeari buruzko informazioa emateko kanalak eta gardentasuna: 29 herrialdek jakinarazi zuten esparru arautzailea falta dela, giza baliabideen mugak zeudela eta informazioaren teknologiaren tresnak falta zirela datuak biltzeko, besteak beste. Horietako hamarrek baieztatu zuten ekintzak egingo dituztela etorkizun hurbilean agente antimikrobianoen kopuruak OIEri errazago jakinarazteko.
2. Hazkunde-sustatzaileak: 118 herrialdek (% 77) baieztatu zuten 2018az geroztik ez dutela antimikrobianorik erabili hazkunde-sustatzaile gisa (legegintza-neurriekin edo gabe). Gainerako 35 herrialdeek jakinarazi zuten antimikrobianoak erabili zituztela hazkunde-sustatzaile gisa. Horietatik 20 herrialdek esparru arautzailea zuten, eta bertan agertzen ziren hazkunde-sustatzaile gisa erabil daitezkeen antimikrobianoen zerrenda eta erabili beharko ez liratekeenena.
3. Agente antimikrobianoen erabileraren bolumen osoa biomasako: 2016an, bolumen osoa 144,39 mg/kg zela zenbatetsi zuen OIEk.

Antimikrobianoen erabileraren batez besteko bolumena biomasako 66.91 mg/kg izan zen, eta gehienezko muga 68.55 mg/kg izan zen (2016an 40 estatu kidek emandako datuetan oinarrituta egindako kalkulua).

Aurreko urtean, 2015ean, 77.38 mg/kg-ko bolumena kalkulatu zen, eta gehienezko muga 81,29 mg/kg (36 estatu kidek emandako datuetan oinarrituta egindako kalkulua).

Biomasaren portzentaia espeziekiko Europan