2012. urtean, guztira 3.284 jakinarazpen kudeatu dira: horietatik 161 alertak izan dira, 1.402 informazioak, 1.589 baztertutako elikagaiei buruzkoak eta beste 61 "bestelakoak" gisa sailkatu dira.
Hauek dira SCIRIko urteko memoriaren emaitzak, AESANek argitaratu dituenak. Memoria horretako emaitzen artean, hauek nabarmendu behar dira:
- 2011. urtearen aldean, alerta-jakinarazpenak % 3,6 murriztu dira. Bestalde, informazioari eta baztertzeei buruzkoak % 9,6 eta % 4,5 murriztu dira, hurrenez hurren.
- 2011ren aldean, zertxobait murriztu dira animalia- eta landare-jatorriko produktuekin lotutako alerta-espedienteak. Aitzitik, ugaritu egin dira elikagaiak ukitzen dituzten elikagaiei buruzkoak.
LOTUTAKO ELIKAGAIAK
Alertekin lotura gehien izan duten elikagaiak hauek izan dira:
- Arrainak eta eratorriak (52 alerta)
- Prestatutako elikagai bereziak (21)
- Haragiak eta eratorriak (15)
- Laboreak, irinak eta eratorriak (12)
- Esneak eta esnekiak (10)
Landare-jatorriko produktuei dagokienez, guztira 70 jakinarazpen egin dira, honako hauekin lotuta (garrantzitsuenetik apalenera ordenatuta):
- Prestatutako elikagai berezien taldea (DMAA antzeman delako zenbait elikagai-osagarritan)
- Laboreak, irinak eta eratorriak (aipatzekoa da etiketatze okerretik eratorritako jakinarazpenak ugaritu direla, ez direlako elikagaiko alergenoak adierazi)
- Ongailuak eta espeziak
ARRISKU KIMIKOA
Arrisku kimikoak antzematearekin lotutako alerta-jakinarazpenen proportzioa altuena da oraindik ere: aurten kudeatutako jakinarazpen guztien % 46n daude ia-ia, eta honako hauen presentzia nabarmendu behar da (garrantzitsuenetik apalenera ordenatuta):
- Metal astunak
- Baimendu gabeko substantziak (bereziki, DMAA)
- Baimendu gabeko elikagai-gehigarriak edo ezarritako kopuruak gainditzen dituztenak
ARRISKU KIMIKOA
Arrisku biologikoaren arabera (garrantzitsuenetik apalenera ordenatuta):
- Salmonella
- Listeria monocytogenes
- E. coli
ETIKETATZEA
Bestalde, aipatzekoa da etiketetan adierazi gabeko edo adierazitako kopurua gainditzen duten alergenoek eragindako jakinarazpenen kopurua. Zertxobait handitu da.
BAZTERTUAK
Sistemaren bidez, 1.586 baztertze egin dira. Horietatik 1.459 jakinarazpen elikagaiei buruzkoak izan ziren, eta 127 elikagaiak ukitzen dituzten materialei buruzkoak. Horrek beherakada txikia dakar 2011ren aldean. Aurreko urteetan bezala, jakinarazpen horien arteko gehienak Txinako produktuei dagozkie. Ondoren, tarte handiarekin, Turkiakoak eta Indiakoak daude.
Baztertze-jakinarazpen gehienetan tartean dauden elikagaien jatorria landare-jatorria da; nagusiki, fruitu lehorrak dira. Bestalde, antzemandako arrisku handienaren jatorria kimikoa da, toxina fungikoak daudelako.
Eguneraketa data: 2025/07/18