FSAk gida bat egin du, eta bertan zehazten da berariazko zein kontrol bete behar dituzten hanburgesa gordinak edo gutxi eginak saltzen dituzten sukaldaritza-establezimenduek. Agentzia horrek ezarri du onartezina dela hanburgesa gordinak prestatzea eta saltzea, baldin eta Elikagaien Segurtasunaren arloko kudeaketa-plan balioztatua eta egiaztatua ez badago.
FSAk honako betekizun hauek exijituko dizkie establezimendu horiei:
- Tokiko agintariei aurretik jakinaraztea gutxi egindako hanburgesak prestatzen eta saltzen dituztela.
- Hanburgesa gordinak edo gutxi eginak kontsumitzeko haragi xehatuaren hornitzaileek kontrolak egiten dituztela bermatzea.
- Hanburgesak gordinak zerbitzatzen diren menuetan kontsumitzaileentzako gomendioak ematea, eta adieraztea horiek kontsumitzeak arrisku gehigarria dakarrela.
- Komunikazio-plana egitea, arriskuak eta egindako kontrolak azaltzeko.
Nolanahi ere, Britainiako Agentziak ziurtatu egingo du haragi gordinak kontsumitzeagatik E. colik eta Salmonellak eragindako infekzio-tasak txikia izaten jarraitzen duela.
FSAk kontsumitzailea babesten du; hortaz, argi jakinarazi nahi die enpresei zein egoeratan den onargarria hanburgesa gordinak edo gutxi eginak zerbitzatzea, bai eta zein kontrol zorrotz aplikatu behar diren ere. Kontrolik ez dagoen edo zorrotz aplikatzen ez diren kasuetan, tokiko agintaritzaren laguntza behar da, kontrolak eraginkor aplikatzen direla bermatzeko.
FSAren txostena: hanburgesa gordinen kontrola
Eguneraketa data: 2025/07/18