Batzordearen 2025/1449 (EB) Erregelamendu Eskuordetua argitaratu da; horren bidez, Europako Parlamentuaren eta Kontseiluaren 853/2004 (EE) Erregelamenduaren III. eranskina aldatzen da, etxeko ungulatuen premiazko hilketarako, gatzunetan izoztutako atunerako eta oso findutako produktuetarako berariazko higiene-neurriei dagokienez.
Hauek dira Erregelamenduak barne hartzen dituen berritasun nagusiak:
Etxeko ungulatuen premiazko hilketa:
Animalia horietatik ateratako haragia giza kontsumora bidera liteke baldin eta ustiategian premiaz hiltzetik hiltegira iristeraino elikakateari buruz eskatzen den informazio guztia badago.
Gatzunetan izoztutako atuna:
Erregelamenduaren helburu nagusia da gatzunetako atuna -18 ºC-an izozteko berariazko betekizun zorrotzagoak txertatzea, giza kontsumorako; horren bidez, histamina-maila altuak prebenitu nahi dira.
Atuna osorik izoztu liteke gatzunetan –18 °C-ra produktuaren erdigunean berariazko baldintza jakin batzuk betetzen dituzten itsasontzi izoztaileetan, betiere tenperaturaren murrizketa prozesu jarrai batean gauzatzen bada. Itsasontzi izoztaile horiek denbora errealeko jarraipena gauzatzen duten eta gatzuneko tenperatura bitarteko elektronikoak erabiliz erregistratzen duten sistemekin ekipatuta egon behar dira.
Operadoreek itsasontzien izozte-gaitasuna baliozkotzeko plan bat ezarriko dute, eta agintaritza eskudunek egiaztatu beharko dute hori, baimena eman aurreko betekizun gisa.
Animalia-jatorriko produktu oso finduak:
Elikagai-enpresako operadoreek bermatu behar dute lehengaien tratamenduaren bidez osasunerako arrisku guztiak desagerrarazten direla. Kategoria horretan barne hartzen dira baimendutako gehigarriak eta intsektuak; eta, erauzitako gantzen kasuan, zehazten da artile-gantzen deribatuak 135 °C-ra jarri behar direla gutxienez 90 minutuz.
Erregelamenduak ezartzen du betekizun guztiak 2026ko urtarrilaren 27tik aurrera izango direla aplikagarriak.
Eguneraketa data: 2026/03/12