Kataluniako Elikagaien Segurtasunerako Agentziak (ACSA) “Bisfenol eta deribatu epoxidikoekiko esposizioa zehaztea, Katalunian merkaturatutako lataratutako eta plastikozko ontzietan ontziratutako elikagaiak kontsumitzeagatik: osasunerako arriskua ebaluatzea” azterlana argitaratu du. Bertan, laginak aztertu dira A bisfenola (BPA) eta F bisfenola (BPF) eta bien deribatu epoxidikoak bilatzeko.
Honako hauek dira aztertutako bisfenolak eta deribatu epoxidikoak: BPA, BPF, BADGE, BADGE·H2O BADGE·2H2O, BADGE·HCl, BADGE·2HCl, BADGE·H2O·HCl, BFDGE, BFDGE·2HCl y BFDGE·2H2O.
A bisfenola (BPA) da gehien erabili eta aztertu den bisfenola. F bisfenola (BPF) gehien erabiltzen den BPAren analogoetako bat da, baina orain arte oso gutxi ebaluatu da.
Lortutako emaitzek adierazten dutenez, ebaluatutako 36 elikagaietatik 17tan (% 49) ez zen detektatu aztertutako konposatu bakar bat ere, latako produktuetan zein plastikozko ontzietan ontziratutakoetan.
19 elikagaitan (% 51) gutxienez aztertutako konposatuetako bat detektatu zen (plastikozko ontzietan ontziratutako saltsetan eta lataratutako elikagai batzuetan).
Bisfenolen eta deribatu epoxidikoen detekzio-ehuneko handiena BADGE·2H2O (% 40,5) elementuak izan zuen, eta, ondoren, BPAk (% 13,5).
Arriskuaren ebaluazioak adierazten du BADGErekiko eta haren deribatuekiko (BADGE·H2O eta BADGE·2H2O) esposizioak ez dakarrela arriskurik kontsumitzaileen osasunerako; izan ere, Eguneko ingestio jasangarria (EIJ) baino ia hiru magnitude-ordena txikiagoa da (150 µg/kg gorputz-pisu/egun).
Aldiz, bisfenol eta deribatu epoxidikoei buruz egindako zenbatespenaren arabera, latako banakako zenbait elikagaitan BPArekiko esposizioa EFSAk ezarritako EIJ berriaren bi magnitude-ordenen gainetik dago (0,2 ng/kg).
Datu horiek bat datoz EFSAk elikagaietan A bisfenolaren (BPA) berrebaluazioari buruz 2023an egindako txostenarekin.
Hala eta guztiz ere, aztertutako elikagai gehienek detekzio-mugatik beherako BPA kontzentrazioak izan zituzten, eta, hala, berretsi zuten konposatu horren presentzia aldizkakoa dela, eta lataratutako elikagai batzuetan bakarrik dagoela.
Eguneraketa data: 2025/07/18