“…PRANa 2014an hasi zenetik, Espainiko antibiotikoen kontsumoak behera egiten jarraitzen du”. Hori da Medikamentuen eta Osasun Produktuen Espainiako Agentziak (AEMPS) koordinatutako azken PRAN txostenean aurki ditzakegun ondorioetako bat.
2014an, PRANa abian jarri zenean, gertatu zen kontsumoaren mailarik altuena; bada, ordutik 2022ra arte gizakien osasunaren arloan % 17ko beherakada erregistratu da, eta animalien osasunaren arloan % 69,5 murriztu da.
Datu horiekin, txostena argitaratu den egunean, Espainia albaitaritzako antibiotikoen kontsumoaren murrizketa handiena egin duen 1. herrialdea eta gizakien osasuneko 3.a da Europan.
Albaitaritzako medikamentuak
European Surveillance of Veterinary Antimicrobial Consumption (ESVAC) ekimenak 2023aren amaieran txostenaren emaitzak aztertu zituen, eta ondorioztatu zuen murrizketa nabarmena egon zela 2014 eta 2022 artean estatu-mailan saldutako albaitaritzako antibiotikoetan.
Estatu-mailan, albaitaritzako kontsumoa % 69,5 murriztu da 2014 (PRAN hasi zenean) eta 2022. urteen bitartean, 419 mg/PCU-tik 127,4 mg/PCU-ra jaitsiz (biztanleriaren zuzenketa-unitatea).
Nahiz eta egia den oso positiboa dela kontsumoak behera egiteko dagoen joera, ikus daiteke 2020. urtetik 2021. urtera % 1,8ko igoera txiki bat egon zela kontsumoan. 2021ean gorakada txiki bat egon zen erakunde hornitzaileen kontsumoan, eta farmazia-laborategiena murriztu egin zen. Analisiak agerian uzten du igoera txiki bat egon dela espektro luzeko penizilinetan, tetraziklinetan eta linkosamidetan, eta, beste forma farmazeutiko batzuen arabera aztertuz gero, medikamentuen aurre-nahasketa gutxiago erabili dira, eta ahozko soluzio gehiago.
Azken txostenaren arabera, Espainia 2014an Europan albaitaritzako antibiotiko gehien saltzen zituen herrialdea izatetik 2021ean 5.a izatera igaro da.
Eguneraketa data: 2025/07/18